CAMBADOS> Estas eran as palabras de Andrés Hermida durante a súa visita ós alumnos do obradoiro de emprego ‘As Tellerias II’.
{flowplayer}images/salnes/OBRADOIRO_EMPREGO_CAMBADOS.flv{/flowplayer}
Esta mañá o director de Promoción do Emprego, Andrés Hermida, visitou o concello de Cambados. O motivo era coñecer o traballo que están a desenvolver os alumnos do obradoiro de emprego ‘As Telleiras II’.
A visita comezou na Escola Taller de Cambados na que o director de Promoción do Emprego estivo acompañado polo alcalde do municipio e Delegado Territorial da Xunta en Pontevedra.
Alí puideron ver de primeira man o traballo que están a realizar os alumnos deste Obradoiro, configurado en tres módulos: albanelería, xardinería e carpintería.
Andrés Hermida destacou a importancia destes talleres para a formación de persoas desempregadas xa que ó mesmo tempo teñen un posto de traballo.
As 36 persoas que participan neste obradoiro, levaron a cabo diferentes melloras nos centros socio- culturais do Couto- Castrelo e da Valada, o acondicionamento da telleira dos Vieites ou a urbanización da rúa Barcelona, que xa está rematada.
Neste obradoiro, a maioría dos alumnos, nun 80% son mulleres. Neste senso, Andrés Hermida confesou que isto da conta do apoio que ofrecen ó sector feminino desde a Consellería. Ó tempo reiterou a existencia de liñas de axuda para estes alumnos para a constitución de empresas unha vez rematen o obradoiro.
Por último, Aragunde confesou que solicitarán máis obradoiros destas características para seguir ofrecendo formación ós veciños do municipio.
Redacción Salnés
