{flowplayer}images/salnes/PtacNovaDeputacion.flv{/flowplayer}
O que dende o propio organismo provincial se deu en chamar Nova Deputación, baséase fundamentalmente nos conceptos de proximidade e austeridade.
O primeiro paso do cambio está nos propios deputados que deixarán de ser deputados de áreas ou servizos e pasan a ser deputados territoriais.
Na comarca do Salnés son dous os deputados electos o propio Presidente da Deputación e o alcalde de Meaño Jorge Domínguez, polo que será este o deputado territorial.
En canto á redución de custes, o presidente anunciou que no que se refire o equipo directivo, persoal de confianza e asesores verase diminuído ó redor dun 50 por cento.
E o outro gran cambio producirase no ámbito institucional, onde se reduciran os organismos autónomos, pasando de oito a tres.
Deste xeito suprímense como organismos autónomos a Caixa de Anticipos, a Escola de Canteiros, o Ipespo, o consello de asesoramento municipal e a escola de Enfermería.
Redacción Salnés