POBRA> A voceira do BNG da Pobra concorrerá ás eleccións xerais ó Congreso ocupando o segundo posto da lista pola provincia da Coruña.
{flowplayer}barbanza/rosanaperezcandidata.flv{/flowplayer}
Rosana Pérez expresou a súa satisfacción e, sobre todo, a súa gratitude polo recoñecemento que supón a súa inclusión na candidatura por parte do Consello Nacional do BNG.
Máis representación
O reto agora é conseguir máis dun representante da formación nacionalista no congreso, como acontecera na lexislatura do 2000 ó 2004. Pretenden así outorgar un maior poder de decisión a Galicia en temas de importancia transcendental como a defensa do sector pesqueiro e conserveiro.
Imposto sobre o patrimonio
O BNG preséntase como única alternativa ás políticas propostas polos dous grandes partidos que, dende que comezou a crise, só optaron polo recorte dos servizos públicos. Pola contra, os nacionalistas optan por gravar as grandes fortunas en lugar de ir contra a maioría social.
Ademais de Rosana Pérez, que ocupa o segundo posto por detrás do actual deputado Francisco Jorquera, a lista inclúe outra representante da bisbarra; a voceira do BNG muradá, María Xosé Alfonso.
Redacción Barbanza
