VILAGARCÍA> A Cámara de Comercio celebrou esta mañá unha xornada sobre internacionalización, na que estivo presente o Conselleiro de Economía e Industria.
{flowplayer}images/salnes/InternacionalizacionCamara.flv{/flowplayer}
Internacionalización e formación/ innovación. Estes son os eixos fundamentais que destacou o Conselleiro de Economía e Industria na súa visita á Cámara de Comercio de Vilagarcía.
Os dous eixos sobre os que se sustenta o crecemento económico de Galicia. Segundo Javier Guerra, o obxectivo do seu departamento dende o primeiro momento, foi apoiar esta internacionalización, a apertura da pequena e a mediana empresa galega para buscar mercados fora das nosas empresas.
Un compromiso que en palabras do Conselleiro, se demostra cos catorce millóns de euros que se investiron con este fin a través do plan FOEXGA, un plan dirixido a aumentar a competitividade exportadora das nosas empresas. No 2012 prevese ter levado a cabo un total de 75 accións neste senso.
O sector máis representativo nestas accións é o alimentario. As bodegas, as conserveiras, os produtos conxelados, os cocedoiros.
A viticultura e a conserva serán precisamente as que levarán a cabo a principios de novembro unha misión directa a Hong Kong na que se reunirán con importantes importadores asiáticos para estudar a súa incursión neste mercado. Con respecto a isto, o presidente da Cámara fixo referencia tamén á importancia da unidade do empresariado nestes momentos.
Redacción Salnés
