Novos retos para o socialismo galego

    NOIA> O Secretario Xeral do PSdeG-PSOE, Xosé Ramón Gómez Besteiro, participou nun acto político que serviu de presentación para o seu novo proxecto socialista. Numerosas persoas, fundamentalmente simpatizantes e militantes do Partido Socialista, non só da comarca de Muros-Noia, senón tamén do Barbanza, asistiron na noite de onte na casa de cultura noiesa á charla-coloquio impartida polo novo Secretario Xeral dos Socialistas Galegos, Xosé Ramón Gómez Besteiro. Acompañado do alcalde noiés, o tamén socialista, Rafael García Guerrero, e o ex-parlamentario, Xosé Manuel Lage, encargado de conducir o acto, Besteiro esbozou as liñas mestras do que ó seu entender debe ser o novo modelo do proxecto socialista. Posteriormente, aproveitando a presenza do Secretario Xeral do PSdeG-PSOE en Noia, procedeuse tamén á inauguración oficial da nova sede dos socialistas noieses, emprazada na rúa Rosalía de Castro, no edificio da antiga cafetería ‘La Terraza’.

    DEIXAR UNHA RESPOSTA

    Por favor, engade un comentario!
    Por favor, engade o teu nome aquí