RIBEIRA> 24 alumnos de Ribeira e Porto do Son tiveron a oportunidade de formarse e coller experiencia no ámbito da carpintería e da albanelería. O centro cultural Lustres Rivas de Ribeira acolleu hoxe a entrega de diplomas do obradoiro de emprego e formación TAHUME, cuxo nome provén do monte que une Ribeira e Porto do Son, os dous concellos organizadores. No acto estiveron presentes os dous alcaldes ademais xefa territorial da Consellería de Traballo e Benestar, Pilar Caridad e a delegada territorial da Xunta de Galicia, Belén Do Campo. Neste obradoiro investíronse máis de 230.000 euros segundo apuntou Do Campo, pero os seus beneficios repercutiron nos concellos de Ribeira e de Porto do Son, a través das labores realizadas polos alumnos. Ademais dos beneficios comunitarios, estes obradoiros serven para ampliar as posibilidades dos alumnos de entrar no mercado laboral. Luís Oujo e Manuel Ruíz mostráronse satisfeitos co traballo realizado polos alumnos e queren seguir apostando en obradoiros formativos. Ribeira xa solicitou un novo obradoiro xunto ao resto dos municipios que integran Arousa Norte, pola súa parte Porto do Son fixo o propio co concello de Lousame.
Inicio Barbanza - Muros - Noia
