Amigos de Galicia recibe unha axuda para alimentar ós cativos

    {flowplayer img=https://www.canalriasbaixas.com/images/ano2014/07xullo/31/amigos.jpg}https://www.canalriasbaixas.com/images/ano2014/07xullo/31/convenio_viaqua.mp4{/flowplayer}

    VILAGARCIA> A Fundación Amigos de Galicia recibiu hoxe unha nova achega económica de 12.000 euros aportada solidariamente pola empresa Viaqua. Uns cartos que irán destinados a cubrir as necesidades alimenticias dos rapaces. A Fundación Amigos de Galicia recibiu hoxe unha nova achega solidaria: 12.000 euros cos que a empresa Viaqua quere axudarlles na súa labor de alimentar ós máis pequenos; especialmente aqueles que se quedan en estío sen poder acudir ós comedores escolares. Con estes cartos mercarán , fundamentalmente, polo, tenreira, ovos e salchichas a empresas galegas de confianza. Estes productos irán destinados principalmente ás cidades galegas; e chegarán ós fogares dos dous mil nenos que atenden directamente desde esta asociación. Unha cifra de cativos necesitados que está moi lonxe de ser a real. Estas necesidades alimenticias nos cativos non son cousas doutros tempos ou doutros lugares: na Arousa tamén están a combater esta lacra con paquetes alimenticios que cobren tódalas súas necesidades diarias. Desde a Fundación Amigos de Galicia salientan o alto grao de solidariedade das empresas da contorna; moi por riba do da cidadanía en xeral, que é aínda reticente a achegarse a colaborar ó descoñecer o funcionamento real desta ONG. Nestes últimos meses que baixou o paro nesta Fundación constataron un moi tímido descenso da demanda da súa axuda. Un dato esperanzador aínda que de momento pouco significativo.

    DEIXAR UNHA RESPOSTA

    Por favor, engade un comentario!
    Por favor, engade o teu nome aquí