A CORUÑA> A Deputación da Coruña abre o prazo de presentación de candidaturas ao premio de acción social Concepción Arenal ata o próximo 15 de outubro. O galardón está dotado con 15.000 euros que se repartirán entre tres gañadores. Este premio, que foi recuperado o ano pasado polo ente provincial, pretende recoñecer aquelas iniciativas, traballos ou traxectorias persoais comprometidas coa promoción dos servizos sociais e as políticas de igualdade de xénero na provincia. Por iso, vai dirixido tanto a persoas físicas como a entidades e asociacións sen ánimo de lucro. O obxectivo, polo tanto, ademais de premiar o labor dos gañadores, é difundir as boas prácticas e os modelos estables de intervención neste ámbito, así como impulsar as políticas de igualdade e loitar contra a violencia de xénero. As bases xa poden consultarse no Boletín Oficial da Provincia e no apartado de Servizos Sociais da web da Deputación. Na última edición o gañador a título póstumo José Luis Muruzábal polo seu labor ao fronte da Asociación Pro-Enfermos Mentais da Coruña. En segundo lugar quedou ASPANAES (Asociación de pais con persoas con trastorno do espectro autista da Coruña), e no terceiro posto foron designadas as Hermanas Hospitalarias de Betanzos PAI MENNI.
Inicio Galicia
