A CORUÑA> A Agrupación Provincial do PSdeG-PSOE da Coruña atópase no proceso de primarias para elixir a nova dirección provincial do partido. A Agrupación Socialisas Coruñesa será a primeira de España en elixir ó seu secretario provincial mediante o voto directo da militancia. O proceso, no que poderán tomar parte preto de 4.300 militantes, coincidirá ademais coas primarias para elixir ós cabezas de lista nas cidades e vilas de máis de vinte mil habitantes. Así se acordou na reunión do Comité Provincial da formación celebrada esta pasada fin de semana na Coruña. Os militantes que desexen presentar a súa candidatura á secretaría xeral deberán comunicalo por escrito á Comisión de Garantías entre o 27 e o 30 de outubro, mentres que a votación terá lugar o 30 de novembro nas diferentes agrupacións locais da provincia.
