RIBEIRA> Unha tartaruga de grandes dimensións e dun peso aproximado de 200 quilos foi atopada morta na praia do Vilar. Efectivos do Grupo de Apoio e Emerxencias Municipal (GAEM) procederon esta mañá á súa retirada do areal. Dende o Concello fixéronse as xestións oportunas para a súa definitiva erradicación por unha empresa autorizada para a xestión e transporte deste tipo de residuos.
