A Primitiva deixa un premio de sesenta mil euros en Aguiño

    RIBEIRA> O bar Cruce de Aguiño vén de repartir un premio de preto dos 60 mil euros no último sorteo da lotaría primitiva. Ó parecer o agraciado é un único acertante, que selou neste negocio un boleto de oito euros. Especialmente contenta se mostraba a propietaria do establecemento, Beatriz Cacabelos. Segundo ela, nada máis ter coñecemento da nova ata o local achegáronse numerosos clientes coa finalidade de probar sorte e ver se en realidade foran eles os agraciados con este importante premio no sorteo da lotaría primitiva. Polo de agora descoñécese o nome do posible gañador. O que si parece probable é que se trata dun veciño da zona. Esta non é a primeira vez que este establecemento reparte un premio destas características. É mais, xa no ano 2008 deu outro premio de preto do millón e medio de euros.