O outono encherase de cultura en Boiro

    BOIRO> O executivo boirense presentou a programación cultural de outono. Como en anos anteriores as actividades previstas virán a satisfacer a todo tipo de públicos, dende pequenos a maiores. A pesar de que algunhas das actividades incluídas no Outono Cultural de Boiro xa comezaron esta pasada fin de semana, o grosso do programa aínda está pendente de desenvolverse e prolongarase durante o que resta de setembro e tamén nos meses de outubro, novembro e decembro. Como en anos anteriores as actividades programadas dende o departamento de Cultura tratarán de satisfacer a todo tipo de públicos, dende pequenos a maiores. Haberá diferentes apartados: formación, medio ambiente, exposicións e música, sen esquecer tampouco o teatro, que volverá a ser un dos grandes protagonistas do Outono Cultural boirense.