PONTEVEDRA> A quinta edición do Salón de Oferta de Educación e Formación de Galicia daba comezo hoxe en Pontevedra. Alí dábanse cita expositores dos distintos centros de ensino superior da provincia, a universidade de Vigo, escolas de arte e as forzas armadas. Todo o necesario para que o alumnado que está a piques de rematar a educación secundaria ou o bacharelato poida encamiñar con decisión o seu futuro.
Edugal afronta a súa quinta edición e esta mañá abría as súas portas no recinto feiral de Pontevedra para amosar a oferta educativa que a provincia ten para aqueles que rematen os seus estudos secundarios.
Uns 40 expositores reúnen a centros de ensino públicos e privados, formación profesional, á universidade de Vigo e ás forzas armadas e alí os estudantes que rematan agora a educación secundaria, o bacharelato ou aquelas persoas que queren completar a súa formación poderán atopar toda a información das posibles saídas académicas e profesionais que existen.
Con esta axuda moitos xa confirmaron a que queren dedicar os seus próximos anos e outros aseguran que con este tipo de iniciativas é máis fácil ver todas as opcións e así tomar a decisión.
Outros non tiveron a mesma sorte e demandan máis información de estudos que se realicen fóra da provincia.
Este ano a novidade ven da man do conservatorio de Música que realizará concertos entre as diferentes charlas e conferencias e os alumnos do Centro de FP Carlos Oroza que realizarán demostracións culinarias.
{flowplayer img=https://www.canalriasbaixas.com/images/ano2016/02febreiro/17/inauguracion_edugal.jpg}https://www.canalriasbaixas.com/images/ano2016/02febreiro/17/inauguracion_edugal.mp4{/flowplayer}