SANXENXO> Sanxenxo abriu este luns oficialmente a súa particular tempada de verán. A pesar do bo tempo destes días pasados, e da afluencia de bañistas nas praias, non foi ata hoxe cando as 21 bandeiras azuis e as Q de calidade outorgadas a 14 areais do municipio ondearon nos seus mastros.
A vila de Sanxenxo abriu esta mañá oficialmente a tempada de verán. Unhas 21 bandeiras azuis, acompañadas de 14 Q de calidade foron izadas para destacar a calidade dos areais do municipio.
Este verán ondearán de novo estes distintivos nas praias de Silgar, Baltar, Canelas, Paxariñas, Montalvo, Báscuas, Pragueira, Major, Foxos, Areas Gordas, A Lapa e A Lanzada, ademáis do porto deportivo de Juan Carlos I de Sanxenxo. Ademais, este ano recupera o distintivo a praia de Paxariñas, tras repararse os desprendementos do ano pasado, pero perdeo Areas. Aínda así Sanxenxo segue a ser o municipio español con máis praias galardoadas.
Areas non terá bandeira azul pero si Q de calidade, ao igual que Montalvo, Caneliñas, A Lapa, Areas, Major, Baltar, Silgar e Canelas, un distintivo de similar nivel de esixencia. Sanxenxo tamén lidera sendo o concello galego con máis certificacións deste tipo. As nove bandeiras en praias locais hai que sumar a do Porto Deportivo Juan Carlos I.
{flowplayer img=https://www.canalriasbaixas.com/images/ano2016/06xunho/27/izado_bandeira_azul_600px.jpg}https://www.canalriasbaixas.com/images/ano2016/06xunho/27/izado_bandeira_azul.mp4{/flowplayer}
