O Boiro cae ante o Palencia por dous goles a cero

    BOIRO> Amarga derrota. O Club Deportivo Boiro caía onte domingo en Palencia, ata esta xornada pechacancelas do Grupo I de 2ªB, por dous goles a cero. Os goles chegaron nos dez minutos finais do encontro. O primeiro deles de penalti, no minuto oitenta. Un gol que sen dúbida determinou o resultado final. Con anterioridade os de Fredi tiveron ocasións máis que suficientes para poñerse por diante, pero foron incapaces de perforar a meta local, unhas veces por acerto do seu gardameta, e outras, polos propios fallos dos dianteiros borienses, que non tiveron tampouco a súa tarde. A derrota provoca que o Boiro caia dúas posicións na táboa clasificatoria. Agora son décimo cuartos con dezaseis puntos. polo que respecta ó resto de resultados de equipos galegos nesta categoría cabe destacar a vitoria do Celta B por un gol e cero no derbi ante o Coruxo e a do Pontevedra, 4 a 2, ante o Somozas. Peor sorte para o Racing de Ferrol que caía na Malata por 2 goles a 3 ante a líder Cultural leonesa, a pesar de realizar un bo partido.