RIBEIRA> Ribeira foi o escenario elixido por AMICOS para conmemorar o Día Mundial do Autismo. Acompañados das súas familias, os usuarios da asociación racharon, de xeito simbólico, coas barreiras que atopan día a día as persoas autistas. Axudar a comprender mellor como se sinten as persoas afectadas por algún trastorno do espectro autista e rachar coas barreiras que teñen que afrontar a cotía. Esta foi a mensaxe transmitida polos usuarios de AMICOS no acto de conmemoración do Día Mundial do Autismo que se celebrou en Ribeira. Alfonso Pérez foi o encargado de dar voz ás persoas autistas a través da lectura dun emotivo manifesto que debullou algunas das características que conforman o seu mundo. Un mundo distinto, cun ritmo especial pero cheo de capacidades que tan só requiren capacidade de adaptación por parte dos demais. O acto concluíu coa ruptura simbólica de barreiras. Así, rachando carteis, avogan por un mundo libre de prexuízos.
Inicio Barbanza - Muros - Noia
