A lonxa trasladarase á planta baixa do Mercado en 15 días

Pontevedra> A concelleira de Mercados anunciou esta mañá que en 15 días baixarase a lonxa de pescados da praza de Abastos ao primeiro andar. Unha reubicación que terá un custe de 21 mil euros e que ten como fin reordenar os postos e dinamizar a praza de Pontevedra. A concelleira de Mercados informou nesta xornada que nun prazo de 15 días, e despois de certas discrepancias ao respecto, a lonxa da Praza de Abastos trasladarase á planta baixa. Esta reubicación da lonxa conta cun orzamento de 21 mil euros e dende o concello xa teñen pedidos todos os permisos á Xunta. Aproveitando este cambio, dende o concello están estudando a posibilidade de sacar a concurso público a explotación da lonxa. O vindeiro luns, a concelleira manterá unha reunión coas praceiras para informarlles da proposta técnica que barallan para baixar ao primeiro andar as froiteiras que teñen hoxe en día os postos no segundo andar.