A política contra incendios tamén se debate no pleno municipal

Pontevedra> O pleno de Pontevedra aprobou esta mañá a modificación de crédito e a do cadro de persoal. Os lumes, a política catalá, os composteiros e o abastecemento na cidade coláronse neste pleno. Unha cita que aprobou a proposta de Ciudadanos para estudar a implantación dunha aplicación móbil coa que os veciños poidan advertir incidencias e desperfetos no equipamento urbano. No pleno da corporación faláronse de numerosos asuntos entre eles dos lumes e da prevención a través dunha moción do grupo Marea. Luís Rei presentaba do seguinte modo a súa proposición. Dende as filas do PSOE dixeron que é unha proposta que lle parece correcta pero que deberían analizar coas negociacións que xa están levando a cabo co Goberno en relación aos orzamentos. Dende o PP tamén incidiron no mesmo, en que as decisión de Pontevedra se toman dende hai xa un ano en Santiago. E dende Ciudadanos deixaron claro que para evitar os incendios hai que deixar a un lado as políticas partidarias. Pola súa banda dende o Goberno Local dixeron que non podían aprobar esta medida xa que veñen de activar, en colaboración coa Universidade e coa Comunidade de Montes, o proxecto do Monte Vivo que xa reúne medidas para paliar os lumes. Finalmente esta proposta da Marea non saíu adiante, co voto en contra do equipo do Goberno Local.