Ada Otero, a primeira candidata transexual nunhas eleccións municipais

PONTEVEDRA> A activista LGTB Ada Otero formará parte da candidatura do PsdeG-PSOE nas próximas eleccións municipais en Pontevedra. Ada converténdose así na primeira persoa transexual en toda Galicia que integra unha lista electoral. A pontevedresa entra en política co obxectivo de dar visibilidade a un colectivo discriminado pola sociedade.

Ada Otero Huertas será a primeira persoa transexual en toda Galicia que forme parte dunha candidatura nas próximas eleccións municipais de maio. O fará como independente na lista do Partido Socialista que lidera Tino Fernández. A activista deu o paso de entrar en política para dar visibilidade ao colectivo LGTBI.

A decisión de formar parte no mundo da política nace do seu desexo de que a sociedade tome conciencia sobre a situación do colectivo e se produzan cambios a nivel xurídico e administrativo.

Ada Otero quere deixar claro que o Partido Socialista decidiu contar con ela para as próximas eleccións municipais, non só porque sexa unha persoa transexual, senón tamén por toda a traxectoria profesional que a abala. Esta pontevedresa de 29 anos está especializada en asuntos contra a violencia de xénero e é unha muller comprometida coa loita dos dereitos do colectivo LGTBI.

Unha muller que con este paso se converte, sen dúbida, nun referente no mundo transexual.

Aínda que o PSOE non decidirá até o vindeiro xoves a lista definitiva coa que concurre ás eleccións do 26 de maio, está confirmado que Ada Otero irá nos postos de saída.

DEIXAR UNHA RESPOSTA

Por favor, engade un comentario!
Por favor, engade o teu nome aquí