Os hostaleiros de Vilagarcía desaproban as medidas da Xunta e mobilizaranse “para poder traballar”

VILAGARCIA> As reapertura da hostalería non contenta a moitos establecementos. Dende Vilagarcía a asociación Ahituvi rexeita as medidas adoptadas e anuncian medidas de protesta.

Os hostaleiros de Vilagarcía móstranse en contra das medidas adoptadas pola xunta para reabrir o sector nos concellos con restricións. Dende Ahituvi reclaman que se deixe de criminalizar aos seus negocios.

Os hostaleiros non entenden que lles obriguen a pechar os seus negocios ás cinco da tarde. Reclaman volver ao horario do verán.

Dende a asociación tamén advirten que moitos negocios están a punto de pechar para sempre, por elo piden unha redución da presión tributaria e axilidade ás administracións á hora de xestionar ás axudas.

Os hostaleiro de Vilagarcía preparan actuacións para mostrar a súa protestas. Nas súas reivindicacións contan co apoio do comercio local.

Os hostaleiros reuníronse hoxe co concello para trasladarlle as súas preocupacións, recibindo o apoio do goberno local. Dende Ahituvi tamén anunciaron que comezarán coas  mobilizacións nos vindeiros días, en canto as novas medidas entren en vigor.