VILAGARCÍA> Portos de Galicia recolleu durante o pasado exercicio 850.000 quilos de aceites residuais a través do programa Marpol de recollida de hidrocarburos usados nos peiraos de titularidade autonómica.
Portos de Galicia recolleu durante o pasado exercicio 850.000 quilos de aceites residuais a través do programa Marpol de recollida de hidrocarburos usados nos peiraos de titularidade autonómica. Así se recolle no informe presentado polos responsables do servizo a través do que se recuperan e reciclan os aceites residuais que se verten nos portos para a súa reutilización.
Os peiraos nos que se recuperaron maiores cantidades de hidrocarburos foron A Pobra, Ribeira e Burela. En canto á provincia de Pontevedra, os peiraos con mellores resultados neste programa foron os de Tragove e Bueu.
Desde o 2012, Portos de Galicia ten renovado o servizo de recollida e tratamento de hidrocarburos, aceites usados e residuais, co que dá cumprimento ao convenio internacional Marpol, para o tratamento axeitado destes residuos.
Inicio crb
