RIANXO> A Garda Civil comisou 17 quilos de centola en Rianxo. Os feitos aconteceron no transcurso dun control rutineiro de tráfico na rotonda da ponte de Catoira.
De xeito aleatorio, os axentes deron o alto a un vehículo que portaba no maleteiro varios capachos con centolas vivas. O condutor e único ocupante do vehículo foi incapaz de acreditar a procedencia do marisco nin as pertinentes autorizacións para o seu traslado e venda.
Dáse a circunstancia ademais de que as centolas están en período de veda polo que algunhas das comisadas mesmo estaban ovadas. A Garda Civil trasladou o marisco á lonxa de Rianxo onde tras pesalo e comprobar que estaba vivo foi devolto ó mar or parte do persoal da confraría.
O condutor foi denunciado por presuntas infraccións á Lei de Pesca de Galicia.
