Barbanza - Muros - Noia

Ribeira volve apostar pola promoción da lingua galega a través dunha nova convocatoria de cursos de iniciación. Impartiranse durante o mes de outubro da na casa da Xuventude e están dirixidas a persoas que se achegan por primeira vez á lingua, sen ningún coñecemento previo.

A deputada responsable de Plans da Deputación da Coruña desprazouse esta mañá ata Noia para supervisar algunhas das actuacións que se están a acometer no concello no marco do Plan Único. Cristina García anunciou a inminente aprobación dun novo POS adicional que elevará o investimento dotado con 25 millóns de euros máis para toda a provincia.

Ribeira aposta pola sostibilidade na xestión de residuos a través de novos contratos que permitirán avanzar na recollida separativa e na reciclaxe. Ademais do reparto de composteiros domésticos, realizarase unha campaña para a xestión do residuo téxtil e habilitarase un punto limpo de proximidade.

As obras de acondicionamento e mellora de servizos na rúa Galicia en Noia avanzan a bo ritmo. O executivo local confía en que poidan estar rematadas nos vindeiros días. A actuación,  financiada integramente ca través do Plan Único da Deputación, conta cun orzamento de preto dos 50 mil euros.

O concello de Boiro programou unha ampla e variada axenda cultural para estes meses de outono. As propostas volven apostar polo teatro, a música e o cinema coma eixos principais.

Os ribeirenses terán unha cita co deporte o próximo 12 de outubro. A Escola de Boxeo El Canario organiza por terceiro ano consecutivo a Milla da Hispanidade. Haberá premios para os tres primeiros clasificados na categoría absoluta.

750 persoas participarán no Xantar de Confraternidade da Pobra que se celebrará o 30 de outubro no pavillón de Venecia. As entradas, a un prezo de 18 euros, poderán adquirirse dende o próximo luns na casa do concello. Terán prioridade as persoas empadroadas no concello.

O presidente da Deputación da Coruña visitou esta mañá o concello de Ribeira para supervisar algunhas das obras financiadas pola administración provincial do municipio. Acompañado pola alcaldesa, María Sampedro, desprazouse ata a estrada 7304 na que..

O concello de Boiro vén de acondicionar un local para a comunidade de montes no centro social de Cespón. Emprázase na parte superior do inmoble que fora executado con fondos da entidade trala cesión dos terreos por parte da administración local.

A Deputación da Coruña exporta o seu modelo de centros de transformación alimentaria. Un grupo da Universidade de Harvard está a realizar un estudo sobre a sostibilidade económica destes espazos colaborativos destinados a pequenos produtores.