A gala da Cultura Solidaria abrirá este venres a programación do Nadal en Boiro
Boiro quenta motores para vivir un nadal do máis solidario. Este venres inaugurarán oficialmente os festexos co acendido do alumeado e a cuarta edición da gala da cultura solidaria, en beneficio de Cáritas.
Arrinca a escavación do castro da Croa en Postmarcos
A delegada territorial da Xunta na provincia da Coruña visitou esta mañá o xacemento do Castro da Croa de Postmarcos. Esta semana comezou unha intervención arqueolóxica na zona para desentrañar a historia deste castro, un dos máis importantes e singulares da comarca. O primeiro xacemento, ademais, de interior, que se escava na comarca do Barbanza.
Noia adxudica o contrato da iluminación para as festas
O concello de Noia vén de adxudicar o contrato de iluminación festiva para todo o ano por un importe de 120 mil euros. Ademais do alumeado de Nadal, incluirase tamén no novo contrato as luces das festas do San Marcos e o San Bartolomeu. Segundo explicaron fontes municipais a medida permitirá unha mellora significativa do servizo e unha redución importante dos custes.
Os negocios de Boiro sumaranse á campaña solidaria ‘Doa un sorriso’
Os negocios de Boiro sumaranse un ano máis á campaña solidaria ‘Doa un sorriso’ que promove a Clínica Dental Rebeca Ozores, en colaboración coa Asociación Boirense de Empresas. A actividade desenvolverase dende hxoe ata o día 13 deste mes. A finalidade da campaña será recoller a maior cantidade posible de alimentos non perecedoiros, produtos de hixiene ou aportacións económicas, que lle serán entregados tanto a Cáritas como a Cruz Vermella.
A Deputación da Coruña aproba a subvención para a renovación do campo de fútbol...
A Deputación da Coruña vén de aprobar un convenio co concello de Lousame para a renovación do céspede artificial do campo de fútbol Cabanetán. A través dunha subvención nominativa, investirá 165 mil euros na mellora desta instalación deportiva.
A Pobra, pioneira na inclusión sociolaboral de mulleres en situación de vulnerabilidade
A inclusión e o empoderamento feminino son os eixos sobre os que xira o proxecto Construíndo Futuros que ven de poñer en marcha o concello da Pobra en colaboración con Médicos do Mundo.
O PP de Boiro denuncia a suba de impostos e servizos básicos para a...
O PP de Boiro denuncia o incremento dos custos de servizos básicos para a cidadanía. Ademais da suba do IBI, que volveu ser obxecto de debate no pleno da pasada tarde, os populares aluden ó incremento dos recibos da auga e ás deficiencias da recollida de lixo no polígono de Espiñeira.
A praza de abastos da Pobra volve sortear entre os seus clientes o menú...
O concello da Pobra quenta motores para o Nadal coas numerosas campañas que porá en marcha nestas datas. Unha delas céntrase na praza de abastos que repartirá 2400 euros en dous sorteos para adquirir os menús da ceas de Noiteboa e Noitevella.
A Pobra activará locais baleiros para apoiar ó emprendemento
O concello da Pobra tamén anunciou a solcitude dunha axuda á Deputación da Coruña para impulsar, xa de cara ó vindeiro ano, o programa municipal de novas aperturas comerciais Premio EMPREDECO-Pobra. A proposta que parte da concellería de Promoción Económica que dirixe Amparo Cerecedo ten coma finalidade un dobre obxectivo, por unha banda activar os locais baleiros da localidade e por outra apoiar o novo emprendemento.
O chef Pepe Vieira promociona o berberecho noiés
A Confraría de Pescadores de Noia promociona o seu berberecho da man do recoñecido chef Pepe Vieira. O cociñeiro visitou esta mañá os bancos marisqueiros de Testal, para saber como se extrae este bivalvo, un dos mariscos sinal de identidade e de calidade do pósito noiés. A actividade incluíase nas Xornadas de Exaltación do Berberecho que ían celebrarse hai varias semanas, pero que tiveron que suspenderse debido ó peche cautelar dos bancos marisqueiros pola presenza de toxina.
