BOIRO > Unhas 31 familias do municipio optan a facerse cunha das vivendas sociais que aínda están pendentes de adxudicar en Escarabote. O proceso selectivo, que está en marcha, podería estar rematado a primeiros de ano.
As dezaoito vivendas sociais construídas en Escarabote e que aínda están pendentes de adxudicar están a levantar máis interese do agardado. Así máis de cen familias presentaron a correspondente solicitude para facerse coa propiedade dalgún destes pisos.
Nun primeiro proceso selectivo quedaron fora máis da metade das solicitudes e agora son 31 as familias que optan ás trece vivendas pendentes de asignar.
O seguinte paso será que a Comisión Provincial de Vivenda analice tódalas solicitudes e decida as persoas que se beneficiarán destes pisos, trámite que xa se atopa en marcha nestes momentos.
O interese amosado fai pensar ó executivo que preside Xosé Deira na necesidade de tramita-la construción de novos pisos de promoción pública. Existindo na actualidade dous plan parcias a desenvolver: o de Barraña e o de Cabo de Cruz.
Redacción Barbanza
