CALDAS > Un presunto episodio de vandalismo tivo lugar na madrugada do domingo para o luns. Nesta ocasión en Caldas. Dous coches Ford Fiesta que estaban para o despece nas inmedacións dun concesionario foron o obxecto das chamas que a Garda Civil investiga.
O concesionario de coches da Renault de Caldas de Reis foi o escenario no que queimaron os dous coches, parece ser que intencionadamente. Na madrugada do domingo ó luns, arredor das catro da mañá comezaban a arder os dous vehículos que foron apagados polos bombeiros do Salnés tras seren avisados polos veciños.
A rápida intervención dos bombeiros impediu un mal maior xa que o lume comezou nun dos coches, se estendeu ó seguinte e ameazaba con calcinar os dos arredores e maila propia nave principal do taller. A Garda Civil investiga os feitos xa que todo apunta a que non se tratou de accidente ningún senón dun incendio intencionado. O dono do concesionario, situado na estrada N-550 na saída do núcleo urbano caldense, estima que os danos ocasionados ascenden a preto de 3.000 euros.
Redacción Salnés
