BARBANZA > Os concellos da comarca do Barbanza decidiron secundar tamén esta iniciativa contra as drogas e o narcotráfico promovida pola Federación Galega de Municipios e Provincias. Na casa consistorial boiresa despregouse unha parcanta co lema ‘Non á droga’ mentres que na Pobra tivo lugar unha concentración e a lectura dun manifesto diante do concello.
Un bo número de veciños da Pobra concentráronse esta mañá diante da casa consistorial baixo o lema ‘Galiza di non ás drogas e ó narcotráfico’.
Os membros da corporación municiapl presidiron este acto que rematou coa lectura dun manifesto por parte do teneNte alcalde do concello pobrés, Ricardo Lago.
Deste xeito, o municipio barbanzán vense sumar ós actos que se estiveron a desenvolver durante o día ó longo de toda a xeografía galega a través dunha iniciativa promovida pola FEGAMP.
Así mesmo, pretende se-lo inicio da campaña ‘Panos brancos contra a droga’, a semellanza da desenvolvida en Palermo en 1992 para loitar contra o narcotráfico.
O concello de Boiro tamén quixo contribuír á causa co despregue dunha pancarta que ondeaba na fachada da casa consistorial.
A celebración deste tipo de actos pon de manifesto a necesidade de implicar á sociedade e a tódalas administracións na erradicación das drogodependencias como un dos factores con maior incidencia entre a xuventude.
A maioría dos cidadáns considera preciso o desenvolvemento de políticas específicas encamiñadas á prevención e o tratamento deste tipo de problemas para que este tipo de actos de loita contra a droga deixen de ser necesarios.
Redacción Barbanza
