PONTEVEDRA > As relacións entre o concello de Pontevedra e mailo goberno autonómico fructifican. A xuntanza que mantiveron no concello de Pontevedra a conselleira de Educación, o delegado de Educación en Pontevedra e mailo alcalde Miguel Anxo Fernández así o demostra. Pontevedra ampliará o número de comedores nos colexios do municipio, aumentará o material deportivo para o uso extraescolar e dotará dunha sede á escola de adultos. Estes son algúns dos acordos ós que chegaron o alcalde Miguel Anxo Fernández Lores e maila consellería de Educación, Laura Sánchez Piñón. Trala reunión mantida visitaron varias escolas públicas do concello.
No preto dunha hora que estiveron reunidos adquiriron varios compromisos entre os que se contempla a ampliación do número de comedores nos colexios onde sexa posible, asinar un convenio para dotar de material deportivo certos centros ou trasladar a escola de adultos á actual facultade de Ciencias da Educación que depende da Universidade de Vigo.
Na reunión o concello acordou ceder os terreos para a construcción dun novo edificio para a escola de Hostalería Carlos Oroza que actualmente se atopa nas inmediacións da Escola Príncipe Felipe. Educación colaborará asemade coa UNED (a Universidade a distancia con sede en Pontevedra) para aliviar certos gastos cos que conta. Trala xuntanza, a conselleira, acompañada polo alcalde, o edil de educación e mailo delegado de Educación en Pontevedra fixeron unha visita a varios centros públicos ós que afectan ou afectarán os acordos ós que chegaron.
Redacción Salnés