GALICIA > A policía nacional ven de informar oficialmente sobre a operación Ceniza, da que xa lles falamos a finais de xuño e na que se abordou a un pesqueiro a 500 millas de Cádiz que transportaba 114 fardos de cocaína. Entón detivérase ó Piturro, pero este mesmo luns caeron outros dous vilanoveses: Daniel Núñez Falcón e o seu pai Esteban Núñez Galván.
Entre os españois detidos no seu día na operación Ceniza está o vilanovés Manuel Vázquez Vázquez, alias o Piturro. Ademais del, no operativo desenvolvido pola Brigada Central de Estupefaciente e GRECO Galicia detívose ó colombiano Eustacio Garces, e a Joaquín Silles Costas, que foi detido en Sanxenxo acusado de ser quen controlaba o barco través dun entramado de empresas.
Días máis tarde, o 29 de xuño, detívose en Cambados a José Agra Agra, do clan dos Panarros e encargado do alixo en terra. E este mesmo luns detíase en Vilanova de Arousa a Daniel Núñez Falcón e ó seu pai Esteban Núñez Galván, por se-los encargados das comunicacións vía radio. No rexistro practicado no seu domicilio interveuse abundante material de comunicacions usado na operación. O operativo policial segue aberto e durante os vindeiros días espérase realizar polo menos a detención doutros tres individuos directamente implicados no transporte de cocaína.
Redacción Salnés
