BOIRO > O alcalde de Boiro, Xosé Deira, confía en que o remate das obras de acondicionamento do inmoble que albergará ó Centro de Día e a Gardería Municipal na zona de Praia Xardín estean concluidas durante este mes de outubro.
Despois de realizar unha adaptación da distribución interior do edificio situado na zona de Praia Xardín, ó non axustarse á capacidade que presentaba o proxecto, o executivo boirés agarda poñer en marcha definitivamente estas instalacións para o mes de novembro ou decembro, unha vez conclúan as obras de remate desta instalación e que se están a executar actualmente.
O rexedor local, Xosé Deira, informou da subvención concedida por parte de Vicepresidencia, que ascendeu a preto dos 200 mil euros e que posibilita a conclusión destas obras.
O rexedor boirés referiuse tamén ós numerosos problemas existentes na execución desta obra e que provocaron un retraso significativo na súa posta en marcha, lonxe da data prevista nun primeiro momento.
Redacción Barbanza