SANXENXO > A corporación municipal de Sanxenxo aprobou o desenvolvemento do solo de Punta Festiñanzo, en Dorrón.
Nesta ocasión o PP contou co apoio do Psoe á hora de sacar adiante un proxecto que conta cunha característica especial: a iniciativa veciñal que puxo en marcha este plan parcial e que motivou o apoio socialista. Sen embargo o Psoe pediu garantías sobre a fiscalización, xa que por este motivo houbo que retira-lo punto da orde do día do pasado pleno.
A alcaldesa agradeceu a sensatez do Psoe en contraposición coa actitude do BNG, que votou en contra e non quixo intervir na sesión. O concelleiro de urbanismo recordou a importancia que terá este solo para os máis de 120 propietarios da zona de Dorrón. Ademais, o desenvolvemento deste plan parcial inclúe 5 mil metros cadrados de equipamentos. A sesión foi seguida por numerosos veciños que celebraron a aprobación do plan.
Redacción Salnés
