VILAGARCIA > Esquerda Unida de Vilagarcia critica a nova proposta do goberno municipal para reducir os orzamentos …
... en canto as asignacións ós edís liberados presentadas polo grupo de goberno.O voceiro de Esquerda Unida, Juan Fajardo reivindicou un incremento da reducción plantexada, xa que dende o seu partido consideran desmesurados os salarios cos que finalmente quedarán os concelleiros liberados da corporación municipal.
A proposta da reducción orzamentaria nos salarios dos edís liberados do concello de Vilagarcía non acaba de convencer ó resto de formacións políticas. É o caso de esquerda Unida que en declaracións do seu voceiro, Juan Fajardo, ponse de manifesto a súa disconformidade coa nova asignación salarial da corporación municipal que non se corresponde proporcionalmente coa dun funcionario público
Fajardo engadiu que dende o seu partido quérese sinalar que a cuestión ideolóxica é máis importante que a económica xa que os políticos deben adecuar o seu traballo e soldo á realidade social da comarca, para elo, puxo de exemplo os soldos que cobra un albanel, ou calquera traballador do sector servicios, que dificilmente chegan ós 900 eros.
O voceiro de esquerda Unida tamén discrepou da decisión tomada polo goberno de incrementar nun 25% o pagamento das comisións informativas. A partires de agora os concelleiros liberados cobrarán 125 euros por cada comisión. Fajardo declarou que aínda que o concello de Vilagarcía pode asumir os gastos salariais, existen outras fins de carácter prioritario onde investir o diñeiro público.
Redacción Salnés
