VILANOVA > As obras que se están a realizar na estrada que une Baión con András foron visitadas esta mañá polo vicepresidente …
… da Deputación de Pontevedra, Jose Juan Durán, polo alcalde de Vilanova, Gonzalo Durán, e polo enxeñeiro xefe de Vías e Obras da Deputación. Estas obras forman parte dun proxecto que engloba a reforma de diferentes viais do concello.
O tramo dende O Couto ó Pereiro, na estrada de Baión a András, foi visitado esta mañá polo vicepresidente da Deputación, Jose Juan Durán, que afirmaba que esta obra de mellora do vial é prioritaria para a Deputación de Pontevedra.
Jose Juan Durán tamén falou da creación de tres variantes entre o Sixto e a estrada xeral de Vilagarcía. Esta obra débese á imposibilidade de anchear os viais en zonas de pequenos núcleos de poboación. Todo o contrario sucede na estrada dende Baión a András na que se aumentará o tamaño dos carrís de circulación sen necesidade de crear un novo treito. Esta estrada contará con dous carrís e cun ancho de 9 metros.
Estas reformas englóbanse dentro das previsións de mellora das comunicacións do concello de Vilanova e para elas está previsto dende a Deputación un orzamento de máis de 2.000.000 euros.
Redacción Salnés
