CAMBADOS > Uns mariñeiros atoparon o corpo de Ramona R. F., de 68 anos, flotando nas augas e sacárono. Pero xa estaba morta. Segundo as testemuñas presenciais a muller tiña un forte golpe na cabeza, polo que non descartaban unha morte accidental. Nembargantes fontes da investigación non descartan que a morte fose intencionada.
Os mariñeiros que traballaban na zona deron a voz de alarma ó ve-lo seu corpo flotando na auga e foron rescatala, observando un golpe na cabeza da muller que podería terlle provocado a morte. Ocorreu sobre as nove da mañá no peirao de Tragove.
Uns mariñeiros que traballaban na zona viron o corpo da muller, unha veciña de Fefiñáns de 68 anos, flotando no mar e foron sacala, anque non puideron evita-lo óbito. No lugar dos feitos falábase dun posible mareo ou incluso dun infarto anque tampouco descartaban que puidese ter esvarado na explanada xa que tiña un golpe na cabeza. 
Sen embargo fontes da investigación non descartan outras causas, xa que a muller estaba a tratamento psicolóxico.
O suceso provocou unha gran espectación no peirao de Cambados, onde a esa hora da mañá existe moita actividade. Numerosas persoas concentráronse nos arredores da lonxa para sabe-lo que pasara, xa que a muller era moi coñecida na zona. Vivía en Fefiñáns e alí rexentara hai anos, xunto co seu home, o restaurante O Rincón. Preto das 11 da mañá tivo lugar o levantamento do cadáver.
Redacción Salnés
