O Museo Valle-Inclán volve ser víctima de actos vandálicos

POBRA > A dirección do Museo Valle-Inclán e o concello pobrés presentou unha denuncia diante da Garda Civil e a Dirección Xeral de Patrimonio polo actos vandálicos …

… e as pintadas que aparaceron en distintas partes do edificio, declarado monumento histórico-artístico de interese nacional. Ó parecer, e segundo as primeiras investigacións, os presuntos autores destes feitos puideron ser rapaces da localidade que empregan este espazo como punto de encontro habitual.

As pintadas, que foron realizadas con rotulador para marcaxe permanente e pintura plástica, aparaceron en distintos puntos do museo pobrés, concretamente nas paredes da fronte principal, na escaleira e no patín, así como tamén no pé da estatua erixida en homenaxe ó escritor pobrés, e que preside a praza.

 O director do Museo Valle-Inclán, Antonio González Millán, amosouse esta mañá totalmente indignado por estes feitos que puideron ser cometidos durante a pasada fin de semana. Segundo el trátase de accións totalmente inxustificadas que atentan contra un monumento histórico-artístico de interese nacional. Segundo se desprende das primeiras investigacións as pintadas puideron ser realizadas por rapaces da localidade que acostuman a empregar este espazo, emprazado en pleno casco urbano da vila, como lugar de encontro. 

Dase a circunstancia ademais que a zona do edificio na que se realizaron as pintadas está a ser obxecto de obras de rehabilitación e restauración nestes momentos financiadas pola Consellería de Cultura. Estes actos vandálicos supoñen pois un atranco máis, retrasando o remate das obras e prexudicando aínda máis se cabe unha pedra xa de por si gravemente erosionada.

Redacción Barbanza