RIBEIRA > O BNG solicitará o respaldo da corporación para instar á Consellería de Educación a amplia-lo servizo de transporte escolar na parroquia de Artes.
Segundo os nacionalistas, dende hai máis de catro anos os pais e os alumnos da parroquia ribeiresa de Artes veñen demandando diante da Consellería de Educación que a prestación do servizo de transporte escolar nesta zona se leve a cabo nas mesmas condicións para os alumnos de secundaria que os de primaria, e o autobús pase tamén polos lugares de Gude, Goda e Sego para recoller a estes rapaces.
Por outra banda os pais e nais destes alumnos afectados polo servizo de transporte escolar teñen previsto enviarlle á Conselleira de Educación, Laura Sánchez Piñón, unha recompilación con tódalas súas demandas e os compromisos xa adquiridos pola Delegación Provincial e no propio Parlamento e que a día de hoxe aínda non foron cumpridos.
Nova mobilización
Continuando coas mobilizacións reivindicativas, teñen convocado para este venres, ás tres e cuarto da tarde, unha nova concentración diante do CEIP de Artes á que convidan tamén á propia Conselleira.
{flowplayer}barbanza/busartes.flv{/flowplayer}
Redacción Barbanza
