PONTEVEDRA > A Deputación provincial ten novo Director de Infraestruturas. Chámase Agustín Hernández e foi Director Xeral de Obras Públicas
Esta mañá presentouse no novo posto e destacou que as súas principais funcións serán a humanización das estradas e a organización dun simposio para analizar o estado actual das vías.
O presidente da Deputación, Rafael Louzán e o vicepresidente e deputado responsable de Vías e Obras, Xosé Crespo, presentaron hoxe a Agustín Hernández, como director de Infraestruturas.
O principal reto de Hernández será potenciar a humanización das estradas de titularidade provincial, o 50 por cen das vías de comunicación de Pontevedra, ou o que é o mesmo, máis de mil seiscentos quilómetros de estradas.
Ademais, o novo director participará nun simposio. Esa será a primeira actuación que levará a cabo a Deputación. O simposio analizará a situación actual das estradas, as necesidades existentes e cara onde deben ir as actuacións das administracións.
Neste congreso participarán alcaldes e técnicos tanto municipais como da Deputación Ademais, segundo Louzán, Hernández participará nos grandes proxectos que impulsa a Institución como son a promoción de chan industrial e a construción de vivenda pública.
Redacción Salnés
