O GROVE > O Rasoeiro colleitou esta fin de semana un empate na súa casa ante ó Oleiros (30-30). Os de Lao Santos continúan a nota-la grande cantidade de baixas que arrastran nas últimas semana e con este resultado despídense definitivamente do ascenso.
{flowplayer}images/salnes/balonman_290108.flv{/flowplayer}
As lesións están impedindo que o Rasoeiro continúe a gañar partidos. Desta volta nin Lao Santos estivo no banquiño por enfermidade, deixando o seu sitio a Milucho.
O equipo grovense acudíu ó encontro contra o Oleiros coas baixas de Omar, por sanción, Juanjo e Martín lesionados, e de Jaime, que xogou con molestias durante todo o encontro. Deste xeito as rotacións dos locais reduxéronse a dúas, moi poucas para un deporte tan exixente coma o balonmán.
Pese a todo os grovenses sacaron forzas de fraqueza e saíron moi centrados á pista, moi acertados en ataque e agresivos en defensa. Deste xeito colleitaron as primeiras vantaxes no marcador, que chegaron a ser de ata catro goles para quedarse en dous antes do descanso (17-15).
Se saíron fortes na primeira metade, non se pode dicir o mesmo da segunda. A relaxación local fixo que o Oleiros se colocase dous arriba nun abrir e pechar de ollos. A falta de rotacións e o cansancio fixeron mella nun Rasoeiro que non se rendíu e chegou ó derradeiro minuto cun 29-30 en contro no electrónico.
Foron quen de empatar e de defender a última posesión para sacar un punto máis que sufrido. Precisamente este punto lles permite continuar terceiros na táboa.
Redacción Salnés