RIBEIRA > Un grupo de traballadores da empresa LIDL manifestáronse ás portas do supermercado para reivindicar melloras laborais.
{flowplayer}barbanza/lidl.flv{/flowplayer}
A pesar de tratarse dunha potente multinacional con gran expansión en distintos mercados europeos, as condicións dos traballadores dos supermercados LIDL deixan moito que desexar. Así o quixo poñer de manifesto un grupo de traballadores da área comercial ubicada en Ribeira que esta mañá manifestábase ás portas do centro reivindicando os dereitos laborais que a empresa vén recortando dende hai anos.
Negociacións infrutuosas
Representantes da CIG, UXT e CCOO xa mantiveron diversas reunións coa dirección da empresa solicitando o pago íntegro dos salarios posto que dende hai dous anos os empregados están cobrando entre 20 e 100 euros menos cada mes. Tamén solicitaron a revisión dos contratos posto que tódolos traballadores están por debaixo da xornada completa o que provoca cambios de turno aleatorios en función das necesidades da empresa e sen ter en conta ós empregados.
Sen embargo, as favorables negociacións iniciais nas que a empresa amosou a súa vontade de mellorar as condicións laborais tomaron un cambio de rumbo co incumprimento reiterado dos compromisos.
Demanda
Por este motivo, os traballadores decidiron poñe-lo problema en mas da xustiza e están a utlima-los detalles para a presentación dunha demanda.
Mentres tanto, non descartan en emprender novas medidas de presión como a protagonizada esta mañá non só en Ribeira, senón noutros centros da Coruña, Santiago, Carballo e Ferrol.
Redacción Barbanza