SANTIAGO > O Conselleiro de Medio Ambiente visitará o Grove para explicar ós veciños o proxecto da depuradora. O asunto foi abordado esta mañá …
… en Santiago nunha reunión que mantivo co alcalde José Antonio Cacabelos.
O rexedor solicitoulle que mantivera unha reunión cos colectivos veciñais e os representantes do sector marisqueiro para explicarlle polo miúdo as características desta instalación. Pediulle ademais que se alongase o emisario previsto de 300 a 700 metros para evitar incidir nas bateas de marisco e as súas captacións. O conselleiro concretará todas estas peticións nunha visita ó Grove, aínda que non ten data fixada.
Nesta reunión Cacabelos presentou tamén un proxecto para revalorizar o patrimonio ornitolóxico do Grove. O plan centraríase nas zonas de Bao e de Bodeira e propón investimentos en rutas de sendeirismo e campañas de divulgación e promoción. Medio Ambiente amosou a disposición a colaborar economicamente cunha achega de entre 60.000 e 75.000 euros.
Redacción Salnés
