POIO > Unha vertedura de orixe químico podería estar detrás da alta mortandade de marisco e de peixe rexistrada a finais da semana…
…pasada en Campelo, Poio. As mariscadoras e mariscadores e pescadores deste lugar contemplaron desde o pasado xoves e mesmo algúns días antes, como cada vez eran máis os animais mariños que aparecían mortos e mesmo moitos deles fuxían como podían da auga. Entre as especies máis afectadas atópanse o camarón, as anguías ou as sollas, e outras especies que habitan no fondo mariño, á ras da area.
Este foi pois, un verquido sen precedentes neste lugar da ría de Pontevedra. A vertedura tamén afectou á depuradora de mexillón e ameixa de Campelo á que se lle estragou case toda a súa producción do circuíto aberto, producida a semana pasada. O Seprona xa está a investigar os feitos e o colectivo de mariscadores non descarta esixir responsabilidade pola vía legal; posto que a praia de Campelo que se viu afectada era onde depositaban as súas previsións de ameixa e berberecho; que logo transplantaban a outros areais.
Redacción Salnés
