POBRA> A documentación estará exposta na Xunta de Galicia e nos concellos da Pobra do Caramiñal e Ribeira
Con este trámite dase un paso máis para a construción do polígono industrial comarcal que se situará na zona de Moldes, entre os concellos da Pobra do Caramiñal e Ribeira, que disporá de máis dun millón de metros cadrados de superficie, dos que aproximadamente a metade estarán ocupados pola actividade meramente industrial.
Dese total ó redor de 311 mil metros cadrados serán destinados a zonas verdes, e outros 32 mil estarán reservados para equipamento.
Esta mañá o rexedor pobrés amosou a súa satisfacción por esta nova, que considera prioritaria para o desenvolvemento desta comarca.
{flowplayer}barbanza/alegacionspoligonocomarcal.flv{/flowplayer}
Dous meses de prazo
Durante os dous próximos meses, tódalas persoas interesadas poderán consultar e presentar alegacións ó proxecto.
Tanto o plan como o informe de sostibilidade ambiental estarán expostos na propia Consellería de Vivenda e nos concellos da Pobra do Caramiñal e Ribeira.
Primeiro trimestre de 2009
Unha vez rematado o período de exposición pública e o estudo das alegacións, a Consellería de Vivenda sacará a licitación a obra, un trámite que podería realizarse a finais deste ano.
Se todo marcha segundo o previsto no primeiro trimestre do ano 2009 poderían iniciarse os traballos de construción do macropolígono.
Con esta obra o que se pretende é cubri-la elevada demanda de solo industrial, unha carencia na maioría dos concellos da comarca, xa que existen numerosas empresas interesadas en instalarse nesta zona.
Redacción Barbanza