PORTO DO SON> Salvador Fernández, presidente da Deputación, inaugurou obras de remodelación do campo de fútbol do Preguntoiro.
Ó acto inaugural, presidido polo presidente provincial e o alcalde de Porto do Son, manuel Tomé, asistiron ademais diversos membros da corporación municipal e a deputada provincial, Rosana Pérez.
Como convidados de excepción, os rapaces das distintas escolas deportivas do municipio que desenvolveron distintas actividades para dar por inaugurado oficialmente o novo terreo de xogo.
Precisamente un deles foi o encargado de destapa-la placa conmemorativa da inauguración do acto.
400 mil euros de investimento
Ademais da substitución do campo por herba sintética, procedeuse á instalación de rego de longo alcance e a dotación dun sistema de drenaxe, así como diverso equipamento deportivo.
Todo elo supuxo unha inversión de preto dos 400 mil euros, financiado o 85 por cento pola Deputación coruñesa e o 15 por cento restante polo concello.
O campo do Preguntoiro vense sumar ós 45 novos campos de herba artificial promovidos pola Deputación en toda a provincia da Coruña.
Un paso máis no seu programa de promoción do deporte, a través da mellora das infraestruturas, o impulso do deporte base e as subvencións a deportistas profesionais.
Outras actuacións
O presidente de A Deputación fixo referencia a outras actuacións que o organismo provincial ten en marcha neste concello como é o caso da piscina climatizada ou a casa de cultura de Portosín.
Pola súa banda o alcalde sonense agradeceu a inversión realizada nesta actuación, así como tamén a outras obras sufragadas polo organismo provincial neste concello.
Redacción Barbanza