CAMBADOS> A Consellería de Sanidade afirma que prevé asumir os gastos de mantemento do centro de saúde de Cambados.
{flowplayer}images/salnes/CENTRO_SAUDE_CAMBADOS.flv{/flowplayer}
CAMBADOS> A Consellería de Sanidade afirma que prevé asumir os gastos de mantemento do centro de saúde de Cambados, actualmente de titularidade municipal. Sen embargo, aclara que está á espera de que o Concello asuma a titularidade do solar, xa que é unha concesión administrativa de Portos de Galicia ó concello.
Unha vez cumprido este requisito confirma que se fará cargo dos gastos, en igualdade de condicións que o resto dos 247 municipios galegos e de acordo co protocolo asinado en decembro coa FEGAMP. Neste convenio, aclara Sanidade, tamén se contemplan casos como o de Cambados, onde o seu centro de saúde está construído sobre unha cesión administrativa de Portos ó Concello. A consellería explica que é precisa a cesión para poder asumir os gastos de mantemento, en base ás prioridades do Pacto Local.
Fronte a isto, o alcalde, José M. Cores Tourís, indicou que se Sanidade necesita terreos municipais está disposto a cederllos para que faga un novo centro de saúde. Así, di, poderíase dedicar o actual edificio a algunha finalidade de interese social. Advirte o rexedor que o Concello non pode facerse coa propiedade dos terreos, que son do dominio público marítimo terrestre, para cederllos a outra administración.
Ademais, indica que no pacto da FEGAMP coa Xunta se prevé a posibilidade de asinar un convenio naqueles casos, como o de Cambados, nos que o Concello non teña a propiedade dos terreos. O Concello pide que, durante o tempo que dure a tramitación do traspaso dos terreos, Sanidade se comprometa a pagarlle os gastos.
Redacción Salnés
