VILAGARCÍA> O Extrugasa debe gañar se é que quere seguir optando á permanencia. Se acada unha victoria, quedaríase a un triunfo da salvación e abandonaría o último posto da xeral deixando atrás ó seu rival desta noite.
O Extrugasa afronta ás 21:00 un dos partidos máis importantes do ano, senón o máis importante. O conxunto vilagarcián xógase boa parte das súas opcións de permanencia ante un rival directo por ese obxectivo, o Gran Canaria.
Será a disputa do encontro adiado correspondente á 14ª xornada ligueira, día no que ó conxunto insular foille imposible viaxar ata Vilagarcía polo temporal de neve que mantivo pechado durante horas o aeroporto de Barajas.
Dende aquel día moitas cousas cambiaron no Extrugasa. O equipo recuperou a moral perdida e cambiou de técnico, aínda que hoxe non poderá contar con el no banquiño.
A Federación Española de Baloncesto impidelle Tito Díaz sentarse onde lle corresponde porque no día no que se tiña que disputar o encontro, o 10 de xaneiro, o lucense aínda non posuía licencia federativa, non estaba enrolado ó Extrugasa.
David Cuartero trasladará as instruccións a un plantel que estará ó completo para este choque de vital importancia.
Redacción Salnés
