VILAGARCÍA> A actuación contará cun orzamento de 1.200.000 euros e completarase coa reordenación do tráfico na Avenida da Mariña.
{flowplayer}images/salnes/120209_proxecto_rei_davina.flv{/flowplayer}
Trala polémica aprobación dos fondos de inversión local de Vilagarcía, a primeira das actuacións comezará a tramitarse a partir do vindeiro martes conforme ó que se acorde na Xunta de Goberno Local. Estas obras consistirán na peonalización e acondicionamento de Rei Daviña e o seu entorno.
Esta actuación encádrase nun proxecto máis amplo de acondicionamento do casco histórico da cidade, unha zona que o concello pretende incorporar á Área de Rehabilitación Integral, da que forman parte Carril e Vilaxoán. Segundo a alcaldesa de Vilagarcía, un dos principais beneficiados coa peonalización de Rei Daviña serán os comerciantes. Por iso, o goberno local xa se puxo en contacto con eles para informarlles do alcance destas obras.
Esta actuación contará cun orzamento dun millón douscentos mil euros e irá complementada coa reordenación do tráfico na Avenida da Mariña.
Dacordo coas características dos fondos anticrise, as obras de rehabilitación de Rei Daviña e o seu entorno deberán estar rematadas antes de final de ano.
Redacción Salnés