SANXENXO> A Comisión de Contas abordará mañá as tarifas para os usuarios do programa de conciliación familiar e laboral Paifillonai.
{flowplayer}images/salnes/PAIFILLONAI.flv{/flowplayer}
SANXENXO> A Comisión de Contas de Sanxenxo abordará mañá as tarifas para os usuarios do programa de conciliación familiar e laboral Paifillonai.
Este ano ofertaranse 130 prazas e o goberno local propón que os usuarios que non residan a maior parte do tempo en Sanxenxo abonen 97 euros por unha praza quincenal, 195 pola mensual e 390 pola bimensual.
As familias do concello contarán cunha bonificación, así a matrícula para un só fillo será de 82 euros para unha quincena, 136 por un mes e 234 para dous meses. Se unha familia inscribe a un segundo menor, a tarifa será de 68 euros para a praza quincenal, 107 a mensual e 175 a dous meses. Na comisión de mañá tamén se debaterá o regulamento proposto pola alcaldía e ambos asuntos irán ó pleno do vindeiro martes.
O Paifillonai xa ten cinco anos de vida e lévase a cabo nos meses de verán. O seus responsables fomentan a educación e ocupación do tempo libre entre nenos de 3 a 12 anos de idade desde valores de respecto, tolerancia e cooperación.
Redacción Salnés