CAMBADOS> Rafael Louzán indicou que se colocarán seis máis noutros puntos do Salnés, co ánimo de frear a escalada de atropelos.
{flowplayer}images/salnes/PASOS_PEONS_LUMINOSOS.flv{/flowplayer}
Cambados conta cun innovador sistema de seguridade nos pasos de peóns. O presidente da Deputación de Pontevedra, Rafael Louzán, xunto ó alcalde José Manuel Cores Tourís, supervisaron onte á noite a posta en funcionamento do primeiro dispositivo experimental de sinalización luminosa para pasos de peóns.
O primeiro obxectivo desta iniciativa é pór freo á escalada de atropelos. O organismo provincial instalará outros seis sistemas na comarca do Salnés, en travesías con alta densidade de tráfico, en lugares próximos a colexios ou zonas de malas condicións de visibilidade.
En Vilagarcía, un dos concellos que máis accidentes deste tipo rexistrou o pasado ano, a Deputación non ten previsto instalar ningún dispositivo no municipio ó non seren de titularidade provincial as estradas afectadas.
O dispositivo instalado onte en Cambados vén sendo un sistema autónomo enerxeticamente, servido de enerxía solar, e dotado de sensores de detección tanto para vehículos como para persoas. O efecto luminoso fai que os condutores, en condicións de visibilidade reducida, sexan conscientes da presenza do peón e polo tanto adecúen a velocidade.
Redacción Salnés