Vilaxoán acolle o Campionato Galego de Bateis

remo250_160409.jpgVILAGARCÍA> O Club de Remo Vilaxoán será o anfitrión do Campionato Galego de Bateis que se disputa esta fin de semana, Trofeo Conde de Fenosa. En xogo estarán as prazas para o campionato de España.

O remo voltará ó peirao de Vilaxoán este sábado e domingo co Campionato Galego de Bateis, paralelo ó Trofeo Conde de Fenosa. Tomarán saída nel as embarcacións que acadaron o seu pase nos últimos campionatos territoriais norte e sur.

Dende infantil a senior, tanto masculino como feminino, todos buscarán acadar unha desas dúas prazas que dan acceso directo ó Campionato de España que se celebrará na Bahía de Santander o día 25.

Dacordo cos resultados dos territorias, o sábado, as embarcacións dividiranse en dúas tandas nas que participarán en cada unha delas catro bateis. Os dous primeiros clasifícanse directamente para a final do domingo, tamén o fará o mellor terceiro.

Na categoría raíña, en senior masculino, tomarán saída na primeira tanda Cabo de Cruz, Mecos, San Felipe e Amegrove, mentres que na segunda remarán Samertolameu, Chapela, Muros e Cedeira.

Redacción Salnés