RIANXO> Os propietarios de vivendas no casco antigo e da Fincheira e Rianxiño xa poden tramitar axudas para a recuperación dos edificios.
En maio do pasado ano a Consellería de Vivenda declaraba Áreas de Rehabilitación Integral no municipio de Rianxo o casco antigo e os barrios de Rianxiño e A Fincheira co obxectivo de promover nestes núcleos históricos a recuperación de espazos degradados a través de achegas públicas.
Esta catalogación beneficia a máis de oitocentas vivendas e suporá un investimento de 42 millóns de euros para a rehabilitación de edificios e a reurbanización de espazos públicos incluidos nestas zonas.
{flowplayer}barbanza/oficinaaririanxo.flv{/flowplayer}
Xa comezou a funcionar a oficina que xestionará e tramitará as axudas. As axudas están dirixidas principalmente a restauración interior e exterior dos inmobles. Quedan excluidos destas achegas os baixos comerciais e as segundas vivendas.
Seguimento das obras
Ademáis dun arquitecto, o cadro de persoal da oficina o forman unha avogada, un arqueólogo e unha administrativa. Eles serán os encargados de dar información aos propietarios das vivendas, tramitar as axudas e realizar un seguimento das obras.
Estas dependencias municipais están emprazada na zona do Adro, na antiga oficina de recadación. O horario de atención ao público será de luns a venres de oito da mañá a tres da tarde e os martes e xoves polas tardes en horario de cinco a sete e media do serán.
Redacción Barbanza